دعم وتحديثات مستمرة من سهل مجاناً
دعم وتحديثات مستمرة من سهل مجاناً
في السعودية، أكثر من 70% من زوار المتاجر الإلكترونية يتصفحون من خلال الجوال.
يعني لو متجرك بطيء أو صعب استخدامه على الجوال، بتخسر عدد كبير من العملاء المحتملين.
في هالمدونة بنوضح كيف تقدر تحسّن تجربة التصفح من الجوال، وتخلي العميل يتنقل ويشتري بسهولة وبدون تعقيد.
التصميم المتجاوب (Responsive Design) مو خيار، صار ضرورة.
وش يعني؟
يعني موقعك يتأقلم مع حجم شاشة الزائر سواءً من جوال، تابلت، أو كمبيوتر.
الأزرار، النصوص، القوائم، والصور كلها تصغر وتترتب بطريقة مرتبة تناسب حجم الشاشة، بدون ما يحتاج الزائر يكبّر أو يصغّر بنفسه.
كل ما زادت الصور الثقيلة والفيديوهات الكبيرة، زاد وقت تحميل الصفحة.
ولأن سرعات الإنترنت تختلف من مستخدم لثاني، خصوصًا في التنقلات، خفف حجم الصور باستخدام أدوات ضغط بدون ما تأثر على الجودة، وخل الفيديوهات تشتغل بس إذا الزائر اختارها.
عميل الجوال يستخدم أصبعه، مو ماوس.
يعني الأزرار لازم تكون واضحة، كبيرة، وبعيدة شوي عن بعض عشان ما يضغط بالغلط.
خاصة زر “أضف للسلة” أو “تأكيد الطلب” لازم يكون بارز وسهل الوصول له بدون ما يدور عليه الزبون.
في شاشة الجوال الصغيرة، الزائر ما يبي يتعب.
سو قائمة جانبية بسيطة تنفتح بزر واضح، قسم المنتجات بشكل منظم، وخل أهم الأقسام تطلع أول شي.
واستخدم أيقونات سهلة الفهم مثل للسلة، للبحث، و للرئيسية.
العميل في الجوال ما يحب يعبي نماذج طويلة.
خل خطوات الشراء قصيرة وسهلة:
– اختار المنتج
– أضف للسلة
– عبّي بيانات بسيطة
– اختر وسيلة الدفع
– تم!
كل ما قللت عدد الخطوات، زادت فرص إتمام الطلب.
لا تعتمد على تجربة الكمبيوتر، خذ جوالك وجرب المتجر كأنك زبون.
شوف إذا فيه شيء معقد، صفحة بطيئة، زر مخفي، أو شي مو واضح.
التجربة الفعلية بتعطيك نظرة أدق من أي تقرير فني.
لو مهتم فعلاً تكسب الزوار وتخليهم عملاء دائمين، لازم تهتم بتجربة التصفح من الجوال.
خل الموقع سريع، سهل، وواضح، وراقب كيف ترتفع المبيعات ويزيد التفاعل.
التفاصيل الصغيرة هي اللي تصنع الفرق في تجربة المستخدم، خصوصًا على شاشة بحجم راحة اليد.
خاصية الإكمال التلقائي تسهّل على العميل الوصول للمنتجات بسرعة وتزيد من فرص البيع بشكل ذكي وسلس
المنتجات المرتبطة ممكن ترفع مبيعاتك وتزيد وقت بقاء العميل في المتجر وكل هذا بشكل ذكي ومباشر
يمكنك إنشاء متجرك و التحكم في كافة الخصائص بسهولة
