دعم وتحديثات مستمرة من سهل مجاناً
دعم وتحديثات مستمرة من سهل مجاناً
كثير ناس يدخلون مجال التجارة الإلكترونية بحماس عالي وطموح كبير. يبدون متاجرهم وينتظرون تنفجر الطلبات عليهم، لكن فجأة... بعد 3 شهور، يبدؤون يحسون بالإحباط، المبيعات ضعيفة، والمشروع يوقف أو يتعطل!
هل هذا معناه إن التجارة الإلكترونية صعبة؟ لا، بس فيه أخطاء تتكرر عند كثير من أصحاب المتاجر، وخصوصًا في أول ثلاث شهور. في هالمدونة، بنوضح أهم الأسباب اللي تخلي المتاجر تفشل بسرعة، وبنذكر لك الأخطاء اللي لازم تتفاداها عشان تمشي صح من البداية.
كثير يبدأ متجره بدون خطة واضحة، لا يعرف الجمهور المستهدف، ولا عنده أهداف محددة، ولا ميزانية واضحة.
نصيحة:
سو دراسة بسيطة لسوقك، واعرف وش تبيع، ولمن، وليه بيشترون منك تحديدًا. حدد أهدافك (مثل أول 100 طلب أو أول 10 عملاء دائمين) وخلك مركز عليها.
البعض يتوقع يحقق أرباح ضخمة من أول أسبوع، وإذا ما صارت، يبدأ يفقد الأمل.
نصيحة:
التجارة الإلكترونية تحتاج وقت وجهد، زي أي مشروع ثاني. حط توقعات منطقية، واصبر على النتائج، وركز على التحسين المستمر.
المنتج ممكن يكون ممتاز، لكن إذا ما أحد يعرف عنه، ما راح يوصلك زبائن.
كثير متاجر تنشئ الموقع وتنزّل المنتجات وتنتظر الناس تجي... وهذا خطأ.
نصيحة:
ابدأ من اليوم الأول بحملة تسويقية حتى لو بسيطة. استخدم السوشيال ميديا، الإعلانات المدفوعة، أو حتى التوصيات من الأصدقاء.
بعض المتاجر يكون تصميمها سيء، أو ما تشتغل زين على الجوال، أو خطوات الطلب طويلة ومعقدة، وهذا يخلي الزبون يهرب.
نصيحة:
خلك في مكان الزبون. جرّب متجرك بنفسك. هل هو واضح؟ سريع؟ سهل؟ إذا لا، فعدل المشاكل قبل ما تبدأ تسوّق.
كثير زبائن يواجهون مشاكل بسيطة (زي تأخير التوصيل أو استفسار عن الطلب) ويتركون المتجر إذا ما لقيوا رد سريع.
نصيحة:
رد على استفسارات العملاء بسرعة واحتراف. حتى لو ما عندك فريق، خلك متواجد أو فعّل الردود التلقائية اللي تساعد.
خصوصًا للمنتجات الملموسة، بعض التجار ما يجهز نفسه لطلبات متعددة، أو يتعامل مع موردين غير موثوقين.
نصيحة:
تأكد إن عندك خطة واضحة لإدارة الطلبات والمخزون. وإذا تشتغل دروب شيبنج، تأكد من جودة المورد وسرعة شحنه.
تشوف متجر ناجح وتقلده حرفيًا، لكن تنصدم إن النتائج مختلفة تمامًا.
نصيحة:
خلك أنت، وركز على تميزك. المنافسين الناجحين عندهم قصة وتجربة ما تقدر تنسخها، فابدأ بطريقتك، وتعلم منهم بس لا تنسخهم.
كثير متاجر تطلق نفسها وتنساها. ما فيه تحديث للصور، ما فيه عروض جديدة، ولا حتى متابعة للبيانات.
نصيحة:
كل أسبوع راجع أداء متجرك. وش المنتجات اللي تمشي؟ وش الصفحات اللي يطلعون منها الزوار؟ عدل وجرّب دايم.
أول 3 شهور هي مرحلة التأسيس والاختبار. لو عديتها بنجاح، فرصك في النجاح بتزيد كثير.
لكن لو وقعت في الأخطاء اللي ذكرناها، ممكن تخسر وقتك ومالك بدون ما تحس.
خذها قاعدة:
المتاجر الناجحة ما نجحت بالحظ، نجحت لأنها اشتغلت صح من البداية، وتعلمت من الأخطاء.
وإذا ودك تبدأ متجرك على أساس قوي وتتفادى الأخطاء من أول خطوة، فريق سهل جاهز يساعدك في إنشاء متجر إلكتروني احترافي يخدمك في كل مراحل مشروعك.
تحتار بين بوابة دفع محلية أو عالمية خلّنا نوضح الفرق عشان تختار الأنسب لمتجرك في السعودية
صفحة المنتج هي قلب متجرك إذا ضبطتها الزبون ما راح يتردد يضغط اطلب الآن
يمكنك إنشاء متجرك و التحكم في كافة الخصائص بسهولة
