دعم وتحديثات مستمرة من سهل مجاناً
دعم وتحديثات مستمرة من سهل مجاناً
بعض المتاجر الإلكترونية تشتغل بشكل ممتاز، منتجاتها حلوة وأسعارها منافسة، لكن للأسف الزبون ما يرجع يطلب مرة ثانية!
وش السبب؟ كثير من الأحيان يكون بسبب تفاصيل بسيطة ما انتبه لها صاحب المتجر.
هالتفاصيل ما تكلفك كثير، لكنها تفرق كثير في عين الزبون، وتعطيه انطباع احترافي وراحة نفسية، وتخليه يرجع يطلب منك ويكلم غيره بعد!
في هالمدونة، بنستعرض أهم الأشياء البسيطة اللي تقدر تضيفها لمتجرك، وتفرق كثير في تجربة الزبون.
أهم شيء لازم يكون واضح للزبون هو:
وش تبيع؟ كم السعر؟ متى يوصل؟ وش طرق الدفع؟
المواقع اللي تخلي الزبون يدوّر هالمعلومات أو ما يلقاها، غالبًا يخسرونه.
خلك واضح، خل المعلومات قدام عيونه من أول ما يدخل على المنتج.
وجود تقييمات وتعليقات من ناس طلبوا قبله يعطي الزبون ثقة، ويشجعه يكمل عملية الشراء.
حتى لو فيه تقييم مو مرة ممتاز، خله ظاهر ورده عليه بأسلوب احترافي، لأن الزبون يثق في الشفافية أكثر من المثالية الزايدة.
لو قدرت تقدم توصيل مجاني أو خيارات توصيل سريعة، هذي نقطة قوة كبيرة.
مو شرط يكون مجاني دائمًا، بس خل الزبون يحس إنك مهتم بتجربته أكثر من مجرد البيع.
كثير من المتاجر تهمل صفحة "من نحن"، مع إنها تبني الثقة.
خل فيها معلومات بسيطة عن مشروعك، ورؤيتك، وكيف الزبون يقدر يتواصل معك.
الشفافية والأصالة تخلق علاقة حقيقية بينك وبين عميلك.
فاجئ زبونك بكود خصم بعد أول طلب، أو أرسل له رسالة شكر فيها عرض خاص.
الزبون يحب يحس إنه مميز، وإنك مهتم ترجع تتعامل معه مرة ثانية.
وفّر أكثر من طريقة دفع، خصوصًا الخيارات اللي يحبونها السعوديين مثل مدى، آبل باي، وتمارا.
وإذا تقدر تخلي الدفع يكون من غير تعقيد، الزبون راح يكمل الطلب وهو مرتاح.
خلك دايم تسأل نفسك: هل الزبون يقدر يطلب المنتج بثلاث ضغطات فقط؟
التصميم البسيط اللي يسهّل التصفح والتنقل يخلي الزبون يكمل طلبه بدون ملل أو ضياع.
بعد ما يكمل الزبون طلبه، أرسل له رسالة تأكيد، بعدها تحديث عن الشحنة، وبعدها رسالة شكر بعد التوصيل.
هالخطوات الصغيرة تفرق كثير، وتخلي تجربته معك لا تُنسى.
الزبون في السعودية اليوم صار واعي ويقارن، وإذا ما حس إن تجربته كانت مريحة ومميزة، صعب يرجع مرة ثانية.
التفاصيل الصغيرة مثل التصميم، التواصل، المتابعة، وحتى العروض الذكية، كلها تترك أثر في عقل وقلب العميل.
وإذا ودك تبدأ متجرك باحتراف أو تطوّره بهاللمسات الذكية، تواصل مع فريق سهل، نجهز لك متجر يخلّي الزبون ينبسط من أول زيارة!
تحتار بين بوابة دفع محلية أو عالمية خلّنا نوضح الفرق عشان تختار الأنسب لمتجرك في السعودية
صفحة المنتج هي قلب متجرك إذا ضبطتها الزبون ما راح يتردد يضغط اطلب الآن
يمكنك إنشاء متجرك و التحكم في كافة الخصائص بسهولة
