دعم وتحديثات مستمرة من سهل مجاناً
دعم وتحديثات مستمرة من سهل مجاناً
أغلب المتاجر الإلكترونية تعرض صور، أسعار، ومواصفات… والسلام. لكن فيه نوع ثاني من المتاجر ما تكتفي بعرض المنتجات، بل تسرد قصة، تبني مشاعر، وتعيش الزبون في تجربة. هذا الفرق الصغير في الأسلوب يصنع فرق كبير في المبيعات، الولاء، والتفاعل.
في السوق السعودي اليوم، صارت المنافسة ما تنتهي عند “مين الأرخص”، بل “مين الأقرب” للعميل، وهنا تبدأ أهمية القصة.
خلنا نشرح الفرق بين المتجر اللي يعرض… والمتجر اللي يروي
تفتح المتجر، تشوف صور عادية للمنتج، وصف مكرر، وسعر واضح. مافيه أي نوع من التفاعل العاطفي. الزبون هنا يحكم بعقله: "هل السعر يناسب؟ هل المنتج معروف؟"، بدون أي محفز عاطفي يخليه يتمسك بالمنتج أو يرجع للمتجر مره ثانية.
هنا تبدأ الرحلة. كل منتج وراه حكاية. مثلاً: "مصنوع يدوياً في منطقة عسير"، أو "فكرة المنتج بدأت بعد تجربة شخصية مع…". هذي التفاصيل الصغيرة تخلق ارتباط. العميل ما عاد يشتري منتج، هو يشتري “حكاية” و“قيمة”.
الناس تحب تشارك في شيء أكبر من مجرد شراء. لما يعرفون خلفية المنتج، والمجهود اللي وراه، يحسون بالفخر إنهم اشتروا شيء مميز. حتى لو السعر أغلى شوي، يبقى عندهم إحساس إنهم دعموا فكرة، أو ساهموا في نجاح قصة.
في زحمة المتاجر، كثير ينسى العميل من وين اشترى أو حتى اسم المتجر. لكن لو فيه قصة حقيقية خلف المنتج؟ يظل في الذاكرة. مثلًا، “هذا العطر اللي سواه شاب سعودي كان يحاول يطور أول ماركة محلية” – القصة تغرس نفسها في العقل.
بدل ما تكتب إعلان مباشر، استخدم قصة. القصة تتنشر لحالها، الناس تشاركها، يتكلمون عنها، ويتفاعلون معها. وهذا شيء يصعب على الإعلانات التقليدية إنها تسويه.
فيه متاجر سعودية نجحت لأنها بنت قصة: متجر يبيع سجاد مصنوع يدويًا من سيدات في الباحة، أو متجر عطور يربط كل عطر بموقف من التراث. هذي التفاصيل تخلي المتجر مميز ويكسر التشابه الموجود بين باقي المواقع.
الفرق بين متجرك وبين منافسيك ما يكون دايم في السعر أو الشكل… أحيانًا يكون في القصة اللي ترويها. القصة تلمس القلب، وتخلي العميل ما يشتري بس، بل يرتبط فيك، ويحكي عنك، ويرجع لك.
فإذا كنت تبي تبني متجر إلكتروني يتذكره الناس… لا تكتفي بالعرض، احكِ الحكاية.
لهجة جمهورك مو مجرد كلمات هي مفتاح قلبه ومحفظته خلك قريب وتكلم بلغته
العميل المتردد مو دايم يعني ضايع أحيانًا بس يحتاج دفعة بسيطة وسطر مقنع
يمكنك إنشاء متجرك و التحكم في كافة الخصائص بسهولة
