دعم وتحديثات مستمرة من سهل مجاناً
دعم وتحديثات مستمرة من سهل مجاناً
في ظل التوسع الكبير للتجارة الإلكترونية في السعودية، كثير من المتاجر صارت تهتم بالتصميم والعروض والتسويق، لكن تغفل نقطة محورية تفرق بين متجر ناجح ومتجر يخسر عملاءه: سياسة الاسترجاع.
في السوق السعودي، الزبون صار أذكى، ويهتم بتفاصيل تجربة الشراء، وأول سؤال يخطر بباله: "لو ما أعجبني المنتج، أقدر أرجعه؟". وهنا يجي دورك كصاحب متجر، تجاوب عليه قبل لا يسأل.
ببساطة، لأن الزبون ما يقدر يشوف المنتج بعينه أو يجربه قبل الشراء. وجود سياسة استرجاع واضحة يعطيه أمان ويدفعه للشراء بثقة. الزبون ما يبي يتوهق، ويبي يعرف وش يصير لو غير رأيه، أو وصل له منتج فيه مشكلة.
هيئة التجارة الإلكترونية ووزارة التجارة السعودية وضعت قوانين واضحة، تفرض على المتاجر الإلكترونية وضع سياسة استرجاع واستبدال مكتوبة وواضحة. ولو ما التزمت، المتجر يعرض نفسه للمساءلة أو حتى الغرامات.
سياسة الاسترجاع الناجحة لازم توضح التالي:
إذا كانت السياسة مبهمة أو مو مكتوبة، تبدأ المشاكل: زبون يتواصل، يلقى الرد غير واضح، يشتكي، ينشر تقييم سلبي، وأنت تخسر عميل ومبيعات. لكن لو السياسة واضحة، كل شيء يكون متفق عليه من البداية.
سياسة الاسترجاع تعتبر أحد عناصر بناء الثقة. متجر يقدم خيار استرجاع واضح، الزبون يحس إن المتجر واثق من نفسه ومن جودة منتجاته. وهذا يشجع على اتخاذ قرار الشراء أسرع.
لا تخلي سياسة الاسترجاع مدفونة في أسفل الموقع. حط رابط واضح في صفحة المنتج، وسطر بسيط بجانب زر الشراء يوضح الحقوق، مثل:
"يحق لك الاسترجاع خلال 7 أيام - اعرف أكثر"
هالعبارات الصغيرة تعطي طمأنينة وتزيد معدل التحويل.
كثير من المتاجر بالسعودية خسرت عملاء دائمين بسبب تأخر أو تعقيد في استرجاع بسيط. وبعضها بالعكس، كسب ولاء عميل مدى الحياة لأنه قدر يرجع منتج بسهولة، وأعجب بخدمة ما بعد البيع.
هل كل متاجر السعودية تحتاج سياسة استرجاع واضحة؟ أكيد نعم. ما عاد فيه عذر. وجود سياسة استرجاع مو بس التزام قانوني، هو أداة تسويقية ذكية تبني الثقة وتزيد المبيعات.
ولو تبي تبدأ متجرك بتصميم احترافي ونظام استرجاع واضح، تواصل مع فريق سهل، ونساعدك تسوي متجر إلكتروني متكامل يريحك ويرضي عملاءك.
دليلك لبناء متجر إلكتروني يوصل خدماته ومنتجاته للمناطق النائية بكل كفاءة داخل المملكة
مو كل ما زدت عدد المنتجات زادت المبيعات تعرف على العدد المناسب لمتجرك عشان لا تضيع وقتك وجهدك
يمكنك إنشاء متجرك و التحكم في كافة الخصائص بسهولة
