دعم وتحديثات مستمرة من سهل مجاناً
دعم وتحديثات مستمرة من سهل مجاناً
كثير من أصحاب المتاجر الإلكترونية يعتقدون إن كل ما زاد عدد المنتجات، زادت المبيعات.
وهذا تفكير منطقي على السطح… لكن لو تمعنا شوي، بنلقى إن الكثرة أحيانًا تضر أكثر مما تنفع!
يعني السؤال الحقيقي هنا:
كم عدد المنتجات الكافي في متجرك؟ ومتى توصل للحد اللي لازم توقف وتعيد ترتيب أوراقك؟
تخيل تدخل متجر إلكتروني فيه أكثر من ١٠٠٠ منتج، بدون تنظيم واضح أو تصنيفات مريحة…
وش بيصير؟
بتقفل الصفحة وتطلع!
العميل ما يحب يحوس كثير… يبغى يلقى اللي يدور عليه بسهولة وسرعة.
فإذا منتجاتك كثيرة لكن بدون تنظيم، بتفقد زباين كثير بدون ما تحس.
إذا كنت توك بادئ، لا تحمّل نفسك فوق طاقتك.
ابدأ بعدد قليل من المنتجات المميزة، وخلّك مركز على الجودة والتجربة.
تابع آداء المنتجات، وشوف وش اللي يمشي، ووش اللي ما عليه طلب.
بعدها تبدأ توسّع بهدوء، وتضيف منتجات بناءً على البيانات، مو العشوائية.
إذا لاحظت إن عملاءك يرجعون يسألونك:
هنا تعرف إن الوقت مناسب للتوسعة.
بس توسّع بطريقة ذكية، مثلاً:
لو عندك ٥٠ منتج، ما يكفي ترفعهم على المتجر وبس… لازم:
وكل منتج جديد = شغل إضافي عليك أو على فريقك.
فلو ما كنت مستعد لإدارة هالكمية، بتغرق في التفاصيل وتهمل الأساسيات.
لو عندك عدد كبير من المنتجات، مو مشكلة… بس أهم شي تنظمها كويس.
استخدم تصنيفات واضحة مثل:
وسوّ فلتر ذكي يساعد العميل يلاقي اللي يبيه بسهولة (مثلاً حسب اللون، السعر، الحجم، التقييم).
هالشي يحسّن تجربة المستخدم، ويخلّي المتجر يبدو احترافي.
فيه متاجر تبدأ ببيع العطور، وفجأة تلقى عندهم ملابس وأدوات مطبخ وألعاب أطفال وكل شي!
العميل هنا يضيع… ما يدري وش توجه المتجر ولا وش يميزّه عن غيره.
خلك محدد في هويتك:
وكل ما كانت هويتك واضحة، كل ما تذكرك العميل بسهولة.
إذا عندك ١٠٠ منتج، بس اللي يبيع فعليًا هو ١٥ منتج فقط…
فأنت تصرف وقت وجهد ومخزون على منتجات ما تطلع منها شيء.
راجع بيانات متجرك كل فترة، واحذف أو جمّد المنتجات اللي ما تحقق مبيعات.
التركيز على المنتجات المربحة أفضل من التشتت في كميات ما لها جدوى.
مو كل ما زادت المنتجات، زادت المبيعات…
أحيانًا المنتج الواحد اللي وراه قصة، وجودة، وتسويق صح، يجيب لك مبيعات أكثر من ٥٠ منتج مكرر ومتشابه.
فكر في عدد المنتجات كـ"تجربة" تبغى تقدمها لعميلك، مو كـ"تكديس" عشوائي.
ابدأ صح، طوّر بهدوء، وراقب أدائك.
وإذا حاب تجهز متجرك بشكل احترافي من البداية، أو ترتّب منتجاتك الحالية بطريقة تخلّي العميل ينبهر؟
فريق سهل جاهز يساعدك خطوة بخطوة
دليلك لبناء متجر إلكتروني يوصل خدماته ومنتجاته للمناطق النائية بكل كفاءة داخل المملكة
تصميم متجرك له دور كبير في فضول العميل واكتشاف باقي المنتجات وهالشي ممكن يزيد من المبيعات بشكل ذكي
يمكنك إنشاء متجرك و التحكم في كافة الخصائص بسهولة
