دعم وتحديثات مستمرة من سهل مجاناً
دعم وتحديثات مستمرة من سهل مجاناً
في عالم التجارة الإلكترونية، المنافسة ما صارت بس في الأسعار أو جودة الخدمة.. أحيانًا توصل لمرحلة مزعجة جدًا، زي إنك تكتشف إن أحد المنافسين نسخ نفس تصاميمك أو حتى عرض نفس منتجاتك بطريقة مشابهة لك تمامًا!
هنا تبدأ الأسئلة: وش أسوي؟ كيف أحمي نفسي؟ هل أبلغ؟ ولا أتجاهل؟
خلنا نجاوبك خطوة بخطوة
أول خطوة، حدد وش اللي تم نسخه بدقة:
لأن كل نوع من النسخ له طريقة تعامل مختلفة. وكل ما كنت محدد، كل ما كانت استجابتك أذكى.
قبل لا تتخذ أي إجراء، خذ لقطات شاشة (Screenshots) واضحة، وسجّل روابط الصفحات اللي فيها التقليد، واحتفظ بتاريخ الزيارة.
هذا مهم جدًا في حال قررت ترفع شكوى أو تتواصل مع الجهات المختصة، أو حتى تراسل منصة المتجر المنافس.
بعض الأحيان، خصوصًا لو كنت شغال على نيتش مشهور أو تصاميم شائعة، بيكون في تشابه طبيعي بينك وبين غيرك.
لكن إذا كان التقليد واضح لدرجة إنه مأخوذ "نسخ لصق"، فهذا يستاهل وقفة.
الخطوة الذكية والراقية قبل أي تصعيد هي إنك ترسل رسالة ودّية ومحترمة توضح فيها:
أحيانًا يكون التقليد بدون قصد، أو يكون شخص مبتدئ ما يدري عن قوانين الملكية الفكرية.
لو المتجر مبني على منصات مشهورة زي (Shopify، سلة، زد، ووكومرس...)، أغلبها توفر طرق رسمية للإبلاغ عن انتهاك حقوق النشر.
ارفع البلاغ مع الأدلة، وغالبًا يتجاوبون بشكل سريع لو كان عندك إثبات قوي.
لو منتجاتك أصلية، أو تصاميمك فريدة واستثمرت فيها، فكر تسجّلها بشكل رسمي كـ ملكية فكرية أو علامة تجارية، وخصوصًا داخل المملكة العربية السعودية.
هالشي يعطيك أحقية قانونية قوية لو احتجت ترفع قضية مستقبلًا.
صح إن النسخ يضايق، بس تذكر دايمًا: الناس تنسخ الشاطر، والمنافس الضعيف ما يقدر يستمر على التقليد طول الوقت.
خلك متجدد، وخلّك دايمًا سابق بخطوة.. واسمك بيصير هو المرجع، مو مجرد "نسخة من أحد".
في النهاية، التعامل مع التقليد لازم يكون بحكمة. لا تنجر وراء الغضب، ولا تتجاهل إذا حسيت إن الموضوع ممكن يضر علامتك.
تصرف بذكاء، وخلّك محترف، ولا توقف تطوير وتحديث منتجاتك وخدماتك.. لأن التقليد دايمًا يجي وراك، بس ما يتقدم عليك!
حتى لو تبيع على سناب أو إنستغرام وجود متجر إلكتروني يعطيك قوة وثقة أكثر ويسهّل عمليات البيع والتوسع
موسم العودة للمدارس فرصة ذهبية للمتاجر الإلكترونية لكن النجاح فيه يعتمد على التخطيط الذكي والتجهيز المبكر
يمكنك إنشاء متجرك و التحكم في كافة الخصائص بسهولة
