دعم وتحديثات مستمرة من سهل مجاناً
دعم وتحديثات مستمرة من سهل مجاناً
كثير ناس تبدأ فكرة متجر إلكتروني وتكون متحمسة، لكن تصطدم بردود مثل: "وش تقدم بالضبط؟" أو "ما فهمنا فكرتك!" أو "فيه ناس كثير يسوون نفس الشي". هنا تبدأ الإحباطات.
لكن ترى المشكلة مو في فكرتك.. المشكلة غالبًا في طريقة عرضك لها.
إذا تبي الناس يقتنعون بمتجرك، لازم تشرح الفكرة بطريقة تبين قيمتها وحلها لمشكلة حقيقية. خلنا نشرحها خطوة خطوة:
لا تقول: "أنا فاتح متجر لبيع منتجات طبيعية".
قل: "كثير ناس يشتكون من المنتجات الكيميائية وتأثيرها على البشرة، عشان كذا أنا وفرت متجر لمنتجات طبيعية مضمونة".
الناس ترتبط بالمشكلة قبل لا تفكر في الشراء.
لا تستخدم كلمات تقنية أو مصطلحات تسويقية معقدة.
قلها ببساطة: "متجري يوفر ملابس أطفال قطن ١٠٠٪ بتوصيل سريع وأسعار مناسبة".
أهم شيء يوصل المقصود بسرعة.
إذا متجرك يبيع أدوات تنظيم للمطبخ، لا تكتفي تقول "منتجات تنظيم"، بل قل: "كلنا نبي مطبخ مرتب وسهل نلقى فيه أغراضنا، هنا نوفر حلول تساعدك في هالشي".
هل أسعارك أرخص؟ هل عندك جودة أعلى؟ توصيل أسرع؟ دعم أفضل؟
حدد ميزة وحدة وركز عليها، لا تحاول تكون الأفضل في كل شيء.
القصص تبني ثقة.
مثلاً: "بديت متجري لأني تعبت من تأخير الطلبات في المتاجر الثانية، فقررت أوفر تجربة سريعة ومرتبة مثل ما كنت أتمناها لنفسي".
حتى لو متجرك توه جديد، لا تبين متردد أو تقول: "إن شاء الله يعجبكم".
قل بثقة: "متحمسين نخلي تجربة التسوق عندكم أسهل وأسرع، زورونا وجرّبوا بأنفسكم".
تخيل قابلت شخص وقالك: "وش تسوي؟"
لازم ترد عليه بجملة واضحة مثل:
"أنا صاحب متجر إلكتروني يوفر أدوات مكتبية مبتكرة للطلاب والموظفين بأسعار معقولة وتوصيل سريع داخل السعودية".
زي:
الفكرة الحلوة ما تكفي.. لازم تعرف توصلها، وبالأسلوب اللي يفهمه ويثق فيه اللي قدامك. كل ما كنت مباشر، صادق، وواضح، كل ما الناس اقتنعت فيك ودعمتك.
فكر دايمًا:
"هل كلامي جاوب على سؤال: أنا كعميل.. وش بستفيد منك؟"
إذا جاوبت عليه بوضوح، فأنت ماشي في الطريق الصح.
شهادات الفيديو من العملاء أقوى من النصوص لأنها تبين التجربة بشكل حي ومباشر وتبني ثقة أكبر عند الزوار
خاصية المقاسات الافتراضية تقلل الحيرة عند الشراء وتخلي العملاء يختارون المقاس الصح من أول مرة وهذا ينعكس على تقليل المرتجعات
يمكنك إنشاء متجرك و التحكم في كافة الخصائص بسهولة
