دعم وتحديثات مستمرة من سهل مجاناً
دعم وتحديثات مستمرة من سهل مجاناً
في المتاجر الإلكترونية، ما فيه موظف يشرح للعميل عن المنتج، كل شي يعتمد على الصورة ووصف المنتج. والوصف الصح يقدر يشرح، يقنع، ويبيع المنتج بدون ما تقول كلمة وحدة! بالعكس، الوصف السيّئ ممكن يخلي العميل يطلع من المتجر حتى لو السعر مغري.
أول خطأ يقع فيه كثير من أصحاب المتاجر هو إنهم يكتبون وصف تقني ممل، مليان تفاصيل مالها داعي. اسأل نفسك:
وش اللي يهم عميلك؟ وش المشكله اللي بيحلها المنتج؟
يعني بدل ما تقول: "تيشيرت قطن 100%"
قل: "تيشيرت ناعم يبرد عليك في عز الصيف، ومريح حتى بعد ساعات لبس طويلة."
العملاء ما يهتمون بس بالمواصفات، يبون يعرفون وش بيستفيدون.
يعني بدل ما تقول:
"منظم مكتب مصنوع من البلاستيك"
اكتب:
"ودّع الفوضى على مكتبك مع منظم أنيق يحافظ على أدواتك مرتبة وفي متناول يدك."
في السوق السعودي، الناس تشتري بالمنطق والعاطفة مع بعض. فالكلمات لازم تلمس حاجتهم:
هالكلمات تحرك مشاعر العميل وتخليه يقتنع إنه يحتاج المنتج فعلاً.
الوصف لا يكون طويل جدًا ولا قصير جدًا. اجمع بين الوضوح والتنوع، يعني:
وإذا كان المنتج تقني شوي (زي الإلكترونيات)، حط جدول للمواصفات عشان يكون سهل القراءة.
الوصف لازم يساعد المنتج يطلع في محركات البحث. فاختر كلمات يبحث عنها عملاءك، مثل:
"عطر شرقي رجالي"، "شاحن سريع للجوال"، "شنطة نسائية جلد".
لكن لا تحشرها حشر، خلها تطلع بشكل طبيعي ضمن الوصف.
بعد ما تكتب الوصف، اسأل عميل:
"وش فهمت من الكلام؟ هل شجعك تشتري؟ وش اللي ناقص؟"
الملاحظات البسيطة هذي ممكن تفرق كثير وتخليك تكتب وصف أكثر فعالية.
خلنا نأخذ مثال:
قبل: "كوب سيراميك سعة 350 مل"
بعد: "ابدأ صباحك بكوب سيراميك أنيق يحتفظ بحرارة قهوتك، بسعة مثالية لكل مشروبك المفضل."
شفت الفرق؟ نفس المنتج، لكن التأثير مختلف كليًا!
كتابة وصف منتج ممتاز ما هي شي ثانوي، هذي مهارة تسويقية أساسية لأي متجر إلكتروني في السعودية. إذا عرفت تختار الكلمات الصح، راح تلاحظ فرق في المبيعات، وتفاعل أعلى من العملاء، وثقة أكبر في متجرك.
الشعار مو بس صورة هو أول انطباع يرسخ في ذهن عميلك فهل فعلاً يستاهل تستثمر فيه
تعرف إذا كانت العروض القوية فعّالة فعلاً في السوق السعودي أو ممكن تضر سمعة متجرك أكثر مما تفيده
يمكنك إنشاء متجرك و التحكم في كافة الخصائص بسهولة
