دعم وتحديثات مستمرة من سهل مجاناً
دعم وتحديثات مستمرة من سهل مجاناً
كثير من أصحاب المتاجر يشيكون على متاجرهم من اللابتوب، يشوفون الصفحة جميلة ومرتّبة وواضحة… ويقولون “تمام، المتجر شغال ممتاز”. لكن الحقيقة؟ أغلب العملاء في المملكة العربية السعودية يتسوقون من الجوال، مو من اللابتوب. يعني اللي أنت تشوفه سهل وواضح من شاشة كبيرة… قد يكون معقّد أو مضغوط أو حتى “مكسّر” من شاشة الجوال. وهنا تبدأ المشكلة اللي ما ينتبه لها كثير: أنت تقيم متجرك من منظورك… مو منظور العميل.
1. لأن 80٪ من الزوار يشوفون متجرك من الجوال
في السعودية، التصفح اليومي صار كله جوالات. الناس تتسوق وهي جالسة في المقهى، أو في السيارة (مع الراكب)، أو قبل النوم. فإذا متجرك ما يفتح بسرعة، أو أزراره صغيرة، أو النصوص مو واضحة على جوال… فأنت تخسر أغلب عملائك من غير ما تدري. مراجعة المتجر من الجوال تخليك تشوف الواقع الحقيقي مو الإصدار “المثالي” اللي يظهر على اللابتوب.
2. نسخة الجوال أحيانًا تخرب تنسيق الصفحة بدون ما تحس
كثير من أصحاب المتاجر يتفاجؤون لما يشيكون من الجوال:
– صورة المنتج طالعة صغيرة
– زر الشراء نازل تحت
– النصوص متلاصقة
– القائمة الرئيسية ما تشتغل زين
كل هذي الأخطاء ما تبان في شاشة المعرض الكبيرة، لكنها تضرب تجربة المستخدم في الجوال، وتخلي العميل يطلع قبل ما يكمل الطلب.
3. السلوك على الجوال غير السلوك على اللابتوب
العميل على الجوال يبي شيء سريع… واضح… سهل. ما يبي يقلب كثير ولا يقرأ نصوص طويلة. تصميم الجوال لازم يكون أخف، أبسط، وأسرع. لما تراجع المتجر من الجوال بنفسك، بتشوف كيف الصورة الأولى لازم تكون أقوى، كيف الزر لازم يكون في مكان واضح، وكيف المحتوى لازم يكون مختصر وجذاب.
4. كثير من مزايا الجوال ما تشتغل مثل اللابتوب
أحيانًا:
– نافذة البحث تكون مخفية
– أيقونة السلة تكون صغيرة
– القائمة الجانبية ما تفتح
– بعض البنرات ما تطلع
وهذي كانت من أكثر الشكاوى اللي توصل لمتاجر سعودية كثيرة. العميل يحاول يوصل لشيء… وما يلقاه بسبب تصميم نسخه الجوال. إذا أنت ما تراجع من جوالك… ما راح تكتشفها أبدًا.
5. سرعة الجوال تختلف تمامًا عن سرعة اللابتوب
متجرك قد يفتح بسرعة على اللابتوب لأن الإنترنت أقوى، والصفحات محمّلة من قبل. لكن على الجوال؟ الوضع مختلف. الجوال يكشف لك الحقيقة: هل الصفحة فعلاً سريعة؟ ولا العميل بينتظر 4 ثواني ويقفل؟
أسرع طريقة تعرفها: افتح المتجر من بيانات الجوال… وبتشوف التجربة الحقيقية مثل ما يشوفها العميل.
6. الجوال يكشف الأخطاء اللي تخرب المبيعات
من أكثر الحالات اللي انكشفت من مراجعة الجوال:
✔ زر إضافة للسلة ما يشتغل
✔ زر الدفع مخفي تحت الصور
✔ صفحة المنتج طويلة بزيادة
✔ البانر يغطي نصوص مهمة
✔ أزرار صغيرة ما تنضغط بسهولة
هذي الأمور البسيطة، لو ما اكتشفتها، تطيح مبيعاتك بدون ما أحد يخبرك.
7. المنافسين في السعودية شغالين صح… ف لازم تلحق
التجارة الإلكترونية عندنا تتطور بسرعة. المنافسين يشتغلون على تحسين نسخة الجوال بشكل مستمر. إذا ما كان متجرك يعطي تجربة مريحة بالجوال، العميل بيتركك ويروح للي أسهل… حتى لو أنت عندك منتج أحسن. مراجعة المتجر من الجوال تعطيك “عين العميل” وتشوف بنفسك وش اللي ينافس وش اللي لازم يتعدل.
مراجعة متجرك من الجوال مو خطوة إضافية… هي أهم خطوة أصلاً. لأنها تكشف لك كل شيء عن تجربة العميل الحقيقية. وإذا كنت تفكر تحسن نسخة الجوال أو تعيد ترتيب صفحات معينة، منصة سهل تساعدك في تحسين وتطوير المتجر بحيث يناسب زوار المملكة ويعطي تجربة أسرع وأوضح وأقوى.
جودة المنتج ما تكفي في عوامل كثيرة توقف نمو المتجر بدون ما ينتبه صاحب المتجر
علامات بسيطة تكشف لك إذا متجرك يحتاج تجديد كامل
يمكنك إنشاء متجرك و التحكم في كافة الخصائص بسهولة
