دعم وتحديثات مستمرة من سهل مجاناً
دعم وتحديثات مستمرة من سهل مجاناً
تخيل معاي… عميل دخل على متجرك وهو متحمّس يشتري، لكن خلال ثانيتين فقط حس إن الصفحة بطيئة وما تفتح بسرعة… وعلى طول يغلقها ويروح لمنافسك! للأسف هذا السيناريو يتكرر بشكل يومي في المتاجر الإلكترونية داخل المملكة العربية السعودية، وكثير أصحاب المتاجر ما يعرفون إنهم خسروا عميل حتى قبل ما يشوف المنتج. المشكلة بسيطة لكنها كارثية في تأثيرها: سرعة التحميل.
وخلني أشاركك الأسباب اللي تخلي العميل يطلع قبل ما المتجر حتى يفتح بالكامل، وكيف ممكن هالخطأ يطيح مبيعاتك بدون ما تدري.
1. الزائر ما عنده صبر ينتظر صفحة بطيئة
أغلب العملاء اليوم يستخدمون الجوال، ومتعوّدين على المواقع اللي تفتح في جزء من الثانية. لو متجرهم يتأخر أكثر من 3 ثواني، خلاص… يعتبرونه بطيء ويهربون. وحتى لو عندهم نية يشترون، البطء يعطيهم إحساس إن المتجر ما هو احترافي أو مو موثوق. وهنا تجي المشكلة: أنت مو بس خسرت زيارة… أنت خسرت بيعته كاملة.
2. الصور الكبيرة اللي تثقل تحميل الصفحة
بعض أصحاب المتاجر يحطون صور عالية الجودة لدرجة إنها تصير أكبر من اللازم، خصوصًا صور المنتجات أو الصور اللي في السلايدر. الصور الكبيرة جدًا تأثر مباشرة على سرعة التحميل، خصوصًا على شبكات الجوال. العميل يشوف الصفحة واقفة… ما تتحرك… فيقرر يمشي. ومع إن جودة الصور ضرورية، لكن لازم تكون مضغوطة ومهيأة للويب.
3. كثرة الإضافات والسكربتات في الخلفية
كل إضافة تركبها في متجرك مثل تتبع، أو شات مباشر، أو مؤثرات، أو بنرات متحركة… كلها تشيل من سرعة الموقع. خصوصًا إذا المتجر مبني بشكل غير منظم. العميل ما يدري وش اللي يصير في الخلفية، لكنه يشوف النتيجة: المتجر بطيييء.
4. ضعف الاستضافة أو السيرفر
واحدة من أكبر المشاكل اللي نشوفها عند كثير من المتاجر في المملكة. صاحب المتجر يدفع أقل شيء على الاستضافة… وبعدين يستغرب ليه الموقع يبطئ وقت الزحمة أو ليه الصفحة ما تفتح إلا بعد وقت طويل. الاستضافة الضعيفة ما تتحمّل زيارات كثيرة ولا ملفات كبيرة، وهذا يخلي تجربة العميل سيئة من أول ثانية.
5. تصميم ثقيل محمّل بحركات ومؤثرات غير ضرورية
بعض المصممين يحب يحط مؤثرات كثيرة، مثل دخول النصوص بتأثيرات، أو صور تتحرك يمين ويسار، أو خلفيات فيديو. صحيح إنها تعطي شكل، لكن العميل في النهاية يبي يوصل للمعلومة بسرعة. المؤثرات الزايدة تسبب بطء كبير، خصوصًا على أجهزة الجوال القديمة أو الاتصال الضعيف.
6. مشاكل في نسخة الجوال (وهي أهم نسخة)
شيء معروف: أغلب مبيعات المتاجر الإلكترونية في السعودية تجي من الجوال. لو نسخة الجوال ثقيلة، أو غير مهيأة، أو فيها أجزاء تتخذ وقت أطول بكثير من نسخة الكمبيوتر… العميل ما ينتظر. الجوال ما يتحمل بطء مثل اللابتوب، والزبون ما يعطي فرصة ثانية.
7. عدم اختبار المتجر من منظور العميل
كثير أصحاب المتاجر يجربون متاجرهم من أجهزة قوية واتصال ممتاز… فيظنون إن الموقع سريع. لكن العميل الحقيقي يستخدم جوال متوسط، وباقة بيانات، وفي الغالب شبكة عادية. ولو جرب صاحب المتجر التصفح بنفس ظروف العميل، بيكتشف البطيء اللي يسبب فقدان مبيعات يوميًا.
سرعة المتجر مو مجرد “ميزة إضافية”، هي عنصر أساسي في نجاح أي متجر إلكتروني، خصوصًا في المملكة اللي فيها تنافس قوي وسلوك تسوق سريع. كل ثانية تأخير = عميل يطلع. وإذا حسيت إن متجرك ممكن يكون من هالنوع، لا تشيل هم… لأنه تحسين السرعة أسهل مما تتخيل، خصوصًا إذا تعاونت مع جهة محترفة تفهم تجربة المستخدم وتضبط المتجر من الأساس.
وبالنهاية… العميل ما ننتظره، بس لازم نخليه يوصل للي يبيه بسرعة قبل ما يخسر صبره.
تنظيم المتجر يلعب دور كبير في سهولة تصفح العميل مهما كان عدد المنتجات
بعض صفحات متجرك قد تخسر لك عملاء كل يوم بدون ما تدري تعرف كيف تكتشفها وتصلحها
يمكنك إنشاء متجرك و التحكم في كافة الخصائص بسهولة
